नेकपा एमाले सिन्धुलीको ८ औं अधिवेसन अन्तर्गत भएको मतदानमा ७ सय ५४ मत खस्यो

सिन्धुली, चैत ३०, २०८० शुक्रबार ।

नेकपा एमाले सिन्धुलीको आठौं अधिवेश अन्तर्गत नयाँ नेतृत्व छनौटका लागि भएको मतदान सम्पन्न भएको छ। सिन्धुलीमाढी स्थित बागवानी केन्द्रमा बिहान १० बजेदेखि सुरु भएको मतदान साझँ ६ बजे सकिएको हो । मतदानमा ७ सय ८३ मध्य ७ सय ५४ मत खसेको छ । मतदान बाट नेकपा एमालेको जिल्ला अध्यक्ष १, उपाध्यक्ष १, सचिव १, उपसचिव २ सहित १ सय जना निर्वाचित हुनेछन् भने पाँच जना मनोनित हुनेछन् ।

एमाले सिन्धुलीको अध्यक्ष पदका लागि निवर्तमान अध्यक्ष कुमार कार्की (रामकुमार) र कमलामाई नगर कमिटिका अध्यक्ष महेन्द्रदेव श्रेष्ठविच प्रतिस्पर्धा हुँदै छ । उपाध्यक्षका लागि निवर्तमान उपाध्यक्ष कर्ण घिसिङ र खड्ग बहादुर रजन मगर बीच प्रतिस्पर्धा हुँदै छ ।

सचिवमा पनि दुई जनाको प्रतिस्पर्धा छ । निवर्तमान सचिव नारायण बराल र नवराज थिङले उमेद्वारी दिएका छन् । यस्तै दुई उपसचिव पदका लागि ७ जनाको उम्दवारी परेको छ । उपसचिवका लागि शंकर कुमार कार्की, कुमार शर्मा, राजु बराल, दिपेश बराल र टिक बहादुर कार्की खुल्लामा प्रतिस्पर्धा गर्दै छन भने मिथुला कुमारी घिमिरे प्याकुरेल र पार्वती भट्टराई विच महिला उपसचिवका लागि प्रतिस्पर्धा हुँदै छ ।

लेखा समितिको संयोजकमा संजय कुमार दाहाल निर्विरोध निर्वाचित भएका छन् । उहाँ सँगै ३६ जना सदस्यहरु निर्विरोध भएको निर्वाचन समितिले जनाएको छ । अध्यक्ष, उपाध्यक्ष, सचिव, उपसचिव लगायतको पदाधीकारीहरुको राती ८ः३० बजे बाट मतगणना हुने र सदस्यहरुको भने त्यसपछि मतगणना गरिने जनाइएको छ ।