नेकपा माओवादी केन्द्र मरिण गाउँपालिका २ वडा कमिटिको विस्तारित बैठक सम्पन्न

सिन्धुली, फागुन ११, २०८० शुक्रबार ।

नेकपा माओवादी केन्द्र मरिण गाउँपालिका २ वडा कमिटिको विस्तारित बैठक आज सम्पन्न भएको छ । बैठकले माओवादी केन्द्र मरिण गाउँ समितिको निर्णय अनुसार सञ्चालित ३ महिने टोजा (टोल जागरण) अभियानको कार्ययोजना तर्जुमा गर्नुका साथै कार्य विभाजन गरेको छ । वडा कमिटिका अध्यक्ष जित बहादुर वाईवाको अध्यक्षतामा बसेको बैठकले टोल जागरण अभियान (टोजा) को कार्य योजना तर्जुमा गरेको हो ।

बैठकमा माओवादी केन्द्र मरिण गाउँ समितिका अध्यक्ष काजीमान थिङले टोजा अभियानको उद्देश्य तथा कार्यविधि र कार्यविभाजन बारेमा प्रष्ट पार्नु भएको थियो । उहाँले पार्टी केन्द्रले सञ्चालन गरेको ४ महिने ्जनता सँग माओवादी विशेष रुपान्तरणको निरन्तरताको रुपमा टोजा अभियान सञ्चालन गरेको बताउनु भयो ।

बागमति प्रदेश कमिटिका सचिवालय सदस्य तथा सिन्धुली जिल्ला संयोजक पानीराज बम्जन, वागमति प्रदेश कमिटिका सदस्य मरिणका इन्चार्ज पदम अस्थानी (शरण), गाउँ कमिटिका सचिव, टोजा अभियानको २ नं. वडाका कमाण्डर कमल आले लगायतले अभियानको बारेमा प्रशिक्षणात्मक रुपमा मन्तव्य राख्नु भयो ।

बैठकमा जिल्ला समन्वय सदस्य भक्त राना, गाउँ कमिटि सचिवालय सदस्य धन बहादुर स्याङतान, गाउँ कमिटि सदस्य लक्ष्मी मगर समेतको उपस्थिति रहेको थियो । बैठकले १२ जनालाई समितिमा चयन गरी पार्टी विधान अनुसार २९ सदस्यीय वडा कमिटिको पुर्णता प्रदान गरेको छ ।