नेकपा एमाले सिन्धुलीको ८ औं अधिवेशन बुधबार उद्धघाटन गरिदै

सिन्धुली, चैत २७, २०८० मंगलबार ।

नेकपा एमाले सिन्धुलीको ८ औं अधिवेशनको भोलिदेखि सिन्धुलीमाढीमा हुने भएको छ । बुधबार र विहिबार गरि दुई दिन सम्म चल्ने अधिवेशनको उद्धघाटन नेकपा एमालेका महासचिव शंकर पोखरेलले गर्नुहुने छ । ८ औं अधिवेशनको सम्पुर्ण तयारी पुरा भएको नेकपा एमालेका प्रचार तथा प्रकाशन विभाग प्रमुख संजय कुमार दाहालले जानकारी दिनुभयो ।

अधिवेशनमा ७ सय ८४ जना प्रतिनिधि तथा आयोजकले सहभागिता जनाउने प्रचार प्रसार उपसमितिले पत्रकार सम्मेलन गरेर जानकारी गराइएको छ । अधिवेशनका लागि यस अघिनै जिल्लाका ९ वटा स्थानीय तहबाट ५ सय १४ जना प्रतिनिधि छनौट गरिसकिएको छ । जनसंगठन बाट ७६ जना, आयोजक १ सय ३० जना, सल्लाहकार २५ जना र मनोनित ३९ जना प्रतिनिधि छनौट भईसकेका छन ।

अधिवेशनले एक अध्यक्ष, एक उपाध्यक्ष, एक सचिव र दुई उपसचिव सहित १ सय ५ जनाको कमिटि निर्वाचित गर्ने छ । अधिवेशन बाट ३३ प्रतिशत महिला, १५ प्रतिशत युवा निर्वाचित हुनेछन् । नेकपा एमालेले प्रतिनिधि छनौटमा नै ३३ प्रतिशत महिला र १५ प्रतिशत युवालाई छनौट गरिसकेको छ ।

नौ वटा स्थानीय तहको भुगोलतर्फ ७३ जना सदस्य निर्वाचित हुने छन । जसमा २४ जना महिला, एक महिला सहित ११ जना युवा निर्वाचित हुने छन । विशेष समावेशी कोटामा १० जना, खुल्लामा १२ जना निर्वाचित हुनेछन ।

नेकपा एमालेले एक महिला पदाधिकारी अनिवार्य गरेको छ । नेकपा एमालेका जिल्ला अध्यक्ष रामकुमार कार्कीले पत्रकार सम्मेलनमा बोल्दै नेकपा एमालेको अधिवेशनलाई पर्वको रुपमा हेरिएको बताउदै जिल्ला अधिवेशनले एकताको सन्देश दिने बताउनुभएको छ ।

यस्तै जिल्ला इन्चार्ज खेम लोहनीले पत्रकार सम्मेलनमा बोल्दै एमालेको जिल्ला नेतृत्व सर्वसम्मत गर्न सफल हुने प्रयाप्त आधार तयार भएको बताउनुभयो । उहाँले सर्वसम्मत नेतृत्व चयनका लागि छलफल जारी रहेको र सर्वसम्मत नेतृत्व चयन हुन नसके निर्वाचन प्रक्रिया बाट अधिवेशन सम्पन्न गरिने गरि तयारी पुरा भएको समेत जानकारी दिनुभयो ।