सिन्धुलीको कमलामाई नगरपालिका ८ मा आगलागि हुँदाँ तिनवटा घरमा क्षती

सिन्धुली, चैत २९, २०८० बिहिबार ।

सिन्धुलीको कमलामाई नगरपालिका ८ मा आगलागि हुँदाँ तिनवटा घरमा क्षती पुगेको छ । कमलामाई नगरपालिका ८ करकरे निवासी ख कुमारी आलेको घरमा अचानक आगलागि हुँदा ख कुमारी आलेको घर सहित अन्य २ वटा घरमा क्षती पुगेको हो । बुधबार राती १०ः३० बजेको समयमा ख कुमारी आलेको घर बाट सुरु भएको आगो स्थानीय उदय बहादुर आले, बल बहादुर नेपालीको घरमा क्षती पुगेको कमलामाई नगरपालिका ८ का वडा अध्यक्ष कोमल कुमार श्रेष्ठले जानकारी दिनुभयो । आगलागि बाट ३६ लाख ७५ हजार बराबारको क्षती भएको छ ।

आगलागि बाट ख कुमारी आलेको ब्लक काठ र टिनले छाएको दुईतले घर र काठ र टिनले छाएको २ तले भान्सा घर संगै घरमा पार्कीङ गरिराखीएको पल्सर मोटरसाइकल, घरभित्र रहेको ३ तोला सुन, एक लाख नगद, अन्नपात, लत्ताकपडा, भाडावर्तन र १५ वटा कुखुरा समेत जलेर नष्ट हुँदा ३५ लाख बराबरको क्षती भएको प्रहरीले जनाएको छ ।

त्यस्तै आगलागि बाट उदय बहादुर आलेको एक तले पक्की घरको दुईवटा झ्यालमा क्षती हुँदा २५ हजार बराबरको क्षती भएको र बल बहादुर नेपालीको ब्लक काठ र टायलको छानो भएको दुईतले घरको आधी भाग जल्दा १ लाख ५० हजार बराबरको क्षती भएको प्रहरीले जनाएको छ ।

राती १०ः३० बजे देखि लागेको आगो राती १ः३० बजे जनप्रतिनिधी, स्थानीय र कमलामाई नगरपालिका र दुधौली नगरपालिकाको दमकलको सहयोगमा निभाइएको कमलामाई नगरपालिका ८ का वडा अध्यक्ष कोमल कुमार श्रेष्ठले बताउनुभयो ।

यसैबिच दुधौली नगरपालिका १४ गजलडाँडामा आगलागि हुँदा २० लाख बराबरको क्षती भएको छ । स्थानीय मोहन बहादुर बल तामाङको जस्ताले छाएको काठले बनेको २ तले २ वटा घर र खरले छाएको काठले बनेको एउटा गोठमा अचानक बिद्युत सर्ट भई आगलागि हुँदा २० लाख बराबरको क्षती भएको हो ।

आगलागि बाट २ लाख ९ हजार नगद, अन्न, लत्ताकपडा, ३ थान मोवाइल, दुइवटा सोलार र १० क्वीन्टल अदुवा सहित घर गोठ जलेर नष्ट भएको प्रहरीले जनाएको छ ।