हरिहरपुरगढी गाउँपालिका ७ मा सिलाई वुनाई व्यवसाय सम्बन्धी सिप विकास तालिमको उद्घाटन

सिन्धुली, बैशाख ११, २०८१ बिहिबार ।

सिन्धुलीको हरिहरपुरगढी गाउँपालिका ७ मा सिलाई वुनाई व्यवसाय सम्बन्धी सिप विकास तालिमको उद्घाटन गरिएको छ । गृहिणी महिला सशक्तिकरण कार्यक्रम अन्र्तगत सिलाई वुनाई व्यवसाय सम्बन्धी सिप विकास तालिमको हरिहरपुरगढी गाउँपालिकाका अध्यक्ष बज्रध्वज वाइबाले उद्धघाटन गर्नुभएको हो । बागमती प्रदेश सरकार सामाजिक विकास कार्यालय र हरिहरपुरगढी गाउँपालिकाको साझेदारीमा गृहिणी महिलाहरु लक्षित गरेर २ महिने तालिम संचालन गरिएको गाउँपालिकाले जनाएको छ ।

तालिम उद्धघाटनको अवसरमा हरिहरपुरगढी गाउँपालिकाका अध्यक्ष बज्रध्वज वाइबाले तालिम बाट घरमै चुलोचौका, पानीपधेँरो, घाँसदाउरामै सिमित भएका गृहिणी महिलाहरुको लागि सिप सिकेर आत्मनिर्भर भई आय आर्जनमा सहयोग पुग्ने विश्वास व्यक्त गर्नुभयो ।

सधैँ श्रीमान अथवा परिवारमै निर्भर रहँदा महिला हिंसाको घटना घट्ने गरेको बताउनुहुँदै उहाँले महिलाहरुको माग अनुरुपको तालिम दिनको लागि गाउँपालिका तयार रहेको बताउनुभयो । क्रियाशिल भएर सिप सिक्नको लागि उहाँले आग्रह समेत गर्नुभएको छ ।

तालिममा वडा नं. ७ का २२ जना गृहिणी महिलाहरुको सहभागिता रहनेछ । गाउँपालिकाले तालिमको लागि १० वटा सिलाई वुनाईको मेसिन उपलब्ध गराएको छ ।