तीनपाटन गाउँपालिका किसानलाई विउ बोका तथा विउ पाठी प्रदान

सिन्धुली, बैशाख ९, २०८२ मंगलबार ।

सिन्धुलीको तीनपाटन गाउँपालिका किसानलाई विउ बोका तथा विउ पाठी प्रदान गरिएको छ । तीनपाटन गाउँपालिका र हेफर प्रोजेक्ट नेपालको आर्थिक तथा प्राविधिक सहयोग र हाम्रो प्रयास नेपाल सिन्धुलिको सहजिकरणमा संचालित कृषि तथा पशु विकासमा आधारित साना किसान तथा युवा उद्यमशिलता साझेदारी विकास परियोजना अन्तर्गत नश्ल सुधार कार्यक्रम अन्तर्गत किसानलाई बिउ बोका तथा बिउ पाठी प्रदान गरिएको हो ।

तीनपाटन गाउँपालिका वडा १० र ११ मा रहेको उपहार समूहका ४ जना सदस्यलाई विउ बोका र २४ जना सदस्यहरुलाई विउ पाठी प्रदान गरिएको गाउँपालिकाले जनाएको छ । तीनपाटन गाँउपालिका अध्यक्ष कर्ण बाहादुर थापा मगरको अध्यक्षतमा भएको कार्यक्रममा जनप्रतिनिधी, कर्मचारी समुहका सदस्य लगायतको उपस्थिती रहेको थियो ।